Ta nkual ƀon têh Tuyên Quang, n’gor Tuyên Quang, măng 24/5 lĕ ƀư Rwăch sơ khảo Tâm nđŭr Ntuh ngơi lam dak rơh tal 16 năm 2024, đah bôk nău “Ntuh ngơi Việt Nam, âk ntil tâm trong rgâl mrô”, Rwăch sơ khảo ƀư tâm 2 nar 24-25/5 yor Radio nău ngơi Việt Nam n’hanh Radio ntuh ngơi-Ntuh rup Tuyên Quang tâm rgop ƀư.

Tâm nđŭr Ntuh ngơi năm aơ geh wăch rgum 81 Radio ntŭk kan ăp Radio Ntuh ngơi ntuh ngơi n’gor, nkual ƀon têh, ăp ntŭk kan bah Radio nău ngơi Việt Nam n’hanh ăp ntŭk kan mpeh tâm N’gâng kan Công an, N’gâng kan mât njrăng bri dak râng đah dĭng lĕ bơi 300 tác phẩm bah 10 ntil. Lơn lah, rnoh bôk nău ntuh ngơi sŏng dăng hao âk đah 37 ntŭk kan râng.

Ta rơh rwăch sơ khảo, Hội đồng Chung khảo mbra chấm n’hanh săch ăp tác phẩm ntuh ngơi uĕh râng rwăch Chung khảo Tâm nđŭr ntuh ngơi lam dak rơh tal 16, nchrăp ƀư ta n’gor Thanh Hóa bah lơ 9-14/7 tât aơ tay.