Ôi 19/7, ta nkuăl ƀon têh Buôn Ma Thuột, ntơm ƀư ‘Ndâk ntŭk kan ndâk nau kan blau mhe tâm n’gor Dak Lak” (Dak Lak Inovation Hub). Ntŭk ndâk ntŭk ƀư blau njêng nau kan mhe bôk năp tâm Dak Lak, lah du nau kan geh âk nŭih, geh ndâk đah nkô̆ nau ŭch ntrŭt dăng nau kan ntơm ndâk ƀư, tâm kơl an bah ăp ntŭk kan tăch rgâl rgâl nau mhe ndrel hun hao ăp nau blau mĭn ƀư kan tâm nkuăl, ntŭk tâm mâp bah nsum mpôl ndâk nau kan ndrel ăp tơm ntuh kơl, ăp nŭih mĭn kan, ăp ntŭk geh nsum ma nau ndâk pah kan.

Aơ lah ntung nthoi bah ăp nau mĭn nau blau mhe ân geh rgâl, đah ăp nau dơi ngăn gay kơl an ăp ntŭk ƀư nau kan tăch rgâl ndâk ƀư ân ngăn ăp nau kan bah nơm. Êp nê, ntŭk ƀư aơ hôm lah ntŭk pă mbơh ăp nau kan mpeh nkual, ntŭk mât vơy ăp nŭih năch, ăp tơm ntuh kơl ŭch tât joi uănh mpeh nau vay ơm, mô lah râng nau ntuh kơl ân ăp nau kan tâm Dak Lak. Wa Nguyễn Tuấn Hà, Groi Kruanh Rnâng kan UBND n’gor Dak Lak mbơh, đah nau nchrăp bah nsum mpôl ntŭk ndâk kan, nau aơ lŏ nkah nau hun hao mhe bah ntrong kan aơ tâm Dak Lak./.