Măng 27/5, ta thị xã Tịnh Biên, n’gor An Giang hŏ ƀư Lễ ntơm pơk Hội chợ tăch rgâl dak bah dih Tịnh Biên – An Giang 2024. Hội chợ geh rnoh hvi 300 ndrơng ndơ đah ăp ndơ tăch âk mpưm mpeh ntil n’hanh săk kah uĕh, tât bah 120 doanh nghiệp, ntŭk ƀư njêng tăch rgâl geh nău nsing nơm tât bah 12 n’gor, nkual ƀon têh Việt Nam, Campuchia, Lào.

Hội chợ hôm dơi  uănh lah ntŭk rgum khlay tâm ntrŭt ntrôl hun hao tâm boh tâm brê, tâm boh wăng sa, tăch rgâl đah n’gor An Giang – Việt Nam n’hanh 2 n’gor Takeo, Kandal (dak Campuchia), đah nău  ŭch n’hao âk tăch n’gluh ndơ tâm ntŭk tăch rgâl ăp dak ASEAN lah nsum, ăp dak tiểu vùng sông Mê-Kông lah êng. Lơn lah, hội chợ năm aơ hôm geh nău tât râng bah n’gor Champasak (CHDCND Lào), bah nê rgop n’hao  dăng n’hanh ntrŭt ntrôl tâm boh way ơm uĕh lăng đah Việt Nam, Lào, Campuchia lah nsum n’hanh An Giang đah Champasak, Tàkeo, Kandal lah êng.