Măng 11/7, ta nkual ƀon têh Thanh Hóa, Radio nău ngơi Việt Nam  kan nsum đah Ủy ban nhân dân n’gor Thanh Hóa ƀư ntơm pơk Liên hoan phát thanh lam dak tâl 16 năm 2024. Râng n’hanh lah ta rnôk ntơm pơk, wa Nguyễn Trọng Nghĩa, Ủy viên Bộ Chính trị, Kruanh Ban Tuyên giáo Trung ương rnê âk ăp nău dơi ma Radio nău ngơi Việt Nam, ăp Radio ƀoh rup- ƀoh ngơi n’gor, nkual ƀon têh n’hanh ăp rơh kơn cán bộ, công nhân viên N’gâng kan ƀoh rup ƀoh ngơi Việt Nam dơi geh tâm bah ri aơ n’hanh mbah rhơn ăp nuĭh tơm nchih, mpôl tơm nchih geh nău nchih dŭt uĕh blău hŏ lăp tâm rlong n’glĕ dŭt Liên hoan Phát thanh lam dak tâl 16.

Wa Nguyễn Trọng Nghĩa nkoch kloh, ƀoh ngơi way lah ngoăy tâm ăp ndơ dŏng sôt hơr bah Đảng, Ngih dak; lah ntung njŏ đah Đảng, Ngih dak đah ƀon lan, lah rgum nchră gay ƀon lan râng groi nđôi, mât uănh lam rêh jêng kon nuĭh. N’gâng kan ƀoh ngơi ân lor nchrăp năn ngăch geh trong blău ƀư mhe lơn đŏng tâm pah kan nkoch trêng nău lư uănh khlay grêt dêh tĭng ngăn ngăn bah nău rêh bah n’gâng kan rgâl mhe, hăn dâk lor bôk năp joi gĭt nkô̆ nău têh, nkô̆ nău mhe, nkô̆ nău  jêr bah neh dak; nkoch trêng gung trong bah Đảng, trong kơl pháp luật bah ngih dak tât đah âk mpưm rơh kơn ƀon lan.