Ôi 22/12, ta Nhih pah kan Trung ương Đảng, ta nâm nău ƀư tơm bah Tổng Bí thư Tô Lâm, Tâm nchră tâl 15 Ban Chấp hành Trung ương Đảng khóa XIII hŏ ntơm pơk rgum. Tâm nchră ƀư ntơm bah nar 22 tât 23/12 gay rgum tâm rkhăch, an nău rgop mpeh pe nkô̆ têh: Rmôt mpeh nchrăp nuĭh an Đại hội XIV bah Đảng; rmôt nkô̆ nău mpeh trong nchrăp ăp siƀŭt nchrăp lor dăn đă Đại hội XIV bah Đảng; ăp nău kan gay ƀư Đại hội đại biểu lam dak tâl XIV bah Đảng.

Lah ta rơh ntơm pơk, Tổng Bí thư Tô Lâm lah rjăp, aơ lah tâm nchră Trung ương n’glĕ dŭt bah năm kan Đại hội XIII, mĭn uănh, an nău rgop mpeh ăp nău kan gay ƀư geh nău dơi Đại hội đại biểu lam dak tâl XIV bah Đảng. ăp đại biểu ân rgum bôk rngok gĭt blău, nău dơn kan, sŏng dăng, di ngăn, geh nău tâm ban trong sơch nuĭh nkoch mbơh an Đại hội XIV bah Đảng, tâm nê rgop nău đah ăp nkô̆ nchrăp bah Đại hội.