Tĭng nău nchrăp, ntơm bah nar aơ (11/6), Rơh hop tâl 34 bah Ủy ban Thường vụ Quốc hội mbra ƀư tâm 3 nar ta jrô hop Tân Trào, Jay Quốc hội. Kruanh Quốc hội Trần Thanh Mẫn lah ntơm pơk n’hanh ndrel ăp Groi Kruanh Quốc hội tâm pleh ƀĭt juet nkô̆ rơh hop. Ta rơh hop dja, Ủy ban Thường vụ Quốc hội mbra mĭn uănh, an nău rgop mpeh âk nkô̆ khlay dôl rblang dăn Quốc hội ta rơh hop tâl 7.

Mpeh pah kan rdâk njêng pháp luật, tâm rơh hop dja, Ủy ban Thường vụ Quốc hội rong an âk mông nar gay an nău rgop  mpeh nău rblang gĭt, rgâl di trong nchrăp Luật đăp mpăn  hăn ntung trong; an nău rgop mpeh nău mbơh rblang, nkah djăt, rgâl di trong nchrăp Luật trong ndeh; an nău rgop mpeh nău mbơh rblang, nkah djăt, rgâl di trong nchrăp Luật Thủ đô (rgâl nkra)… Mpeh n’glêh an ăp nkô̆ nău khlay, Ủy ban Thường vụ Quốc hội mbra an nău rgop mpeh dăp rgum Thủ đô Hà Nội rơh năm 2021 - 2030, uănh ngai tât năm 2050 n’hanh rgâl di trong nchrăp nsum Thủ đô Hà Nội tât năm 2045, uănh ngai tât năm 2065; Mĭn uănh, n’glêh an mpeh trong nchrăp dŏng tơm ndơ ntop geh tay, tơm ndơ mpêt nkrem way dŏng bah ngân sách trung ương năm 2023 n’hanh âk nkô̆ khlay êng ƀa ƀă.