Nchrăp tâm 2 rơh hop: rơh bôk năp: 1 nar (kêng măng aơ n’hanh ôi tay (04/9/2026); rơh 2: 4,5 nar (ntơm bah nar 21/9 tât ôi 25/9/2026). Ta rơh hop tâl 6, Ủy ban Thường vụ Quốc hội mbra mĭn uănh, an nău rgop mpeh 27 trong nchrăp Luật, Nghị quyết, dŭt njrăng uănh khlay kơt trong nchrăp kan: Luật rgâl nkra, kơi ntop du đêt nkô̆ bah Luật Chứng khoán; Luật rgâl nkra, kơi ntop du đêt nkô̆ bah Luật Kế toán, Luật Kiểm toán êng…

Ta rơh hop đŏng, Ủy ban Thường vụ Quốc hội mbra mĭn uănh, n’gluh an dŏng ăp trong nchrăp Nghị quyết dŭt njrăng uănh khlay kơt: Nghị quyết mpeh bôk nău kan njêng pháp luật năm 2027; Nghị quyết quy định nău ăp nhih pah kan thanh tra dơi rngleh du gâl bah ăp rnoh prăk geh sŏk mplơ̆, ban saơ lôch hăn ôp uănh nău tih lôch rnôk ndơ̆ nôp tâm ngân sách ngih dak gay dŏng an nău kan n’hanh n’hao nău dơi kan bah nhih pah kan thanh tra; Nghị quyết quy định mpeh rnoh kơl mât njrăng Thẩm phán. Ủy ban Thường vụ Quốc hội mbra an nău rgop mpeh Đề án Bôk nău kan gưl neh dak mpeh njrăng, n’gang nuĭh tih lvang năm 2026 -2030, uănh ngai tât năm 2035.