Ôi 1/4, ta  nâm nău ƀư tơm bah Kruanh Quốc hội Vương Đình Huệ, Uỷ ban Thường vụ Quốc hội ƀư rơh hop way nkô̆ pháp luật.

Ƀư tâm 2 nar, ta rơh hop dja, Uỷ ban Thường vụ Quốc hội an nău rgop đah ăp trong nchrăp Luật mbra dơi hao rblang dăn Quốc hội ta Rơh hop tâl 7 gay mĭn uănh bôk năp. 5 trong nchrăp Luật dơi an nău rgop ta rơh hop way nkô̆ pháp luật rơh dja lah: Luật Công chứng (rgâl nkra); Luật Công đoàn (rgâl nkra); Luật njrăng n’gang tăch rvăt nuĭh (rgâl nkra); Luật Mât dŏng phao bleo nsiu rtoh n’hanh ndơ rnă săk (rgâl nkra) n’hanh Luật Njrăng n’gang kalơ trôk ƀon lan. Tĭng kruanh Quốc hội Vương Đình Huệ, Luật njrăng n’gang kalơ trôk ƀon  lan lah trong nchrăp Luật mhe, ƀư jêng trong tĭng nău mĭn trong nchrăp  bah Đảng mpeh trong mât njrăng neh dak tâm nô nău mhe. Ta rơh hop dja, Uỷ ban Thường vụ Quốc hội an nău rgop đah trong nchrăp Nghị quyết mpeh ntŭk gŭ pah kan đah Đại biểu Quốc hội nău kan way rnâng kan ta trung ương, cán bộ công chức mpeh nău dơi mât bah Uỷ ban Thường vụ Quốc hội.