VOV4.M'nông: Ôi 19/9 ta Jay Quốc hội, Kruanh Quốc hội Vương Đình Huệ ƀư tơm n'hanh lah ta rơh ntơm pơk rơh hop way nkô̆ pháp luật khay 9/2022 bah Uỷ ban Thường vụ Quốc hội gay an nău rgop mpeh trong nchrăp Luật Giao dịch điện tử (rgâl nkra). Ƀư jŏ tâm 5 nar n'gul, ta rơh hop dja, Ủy ban Thường vụ Quốc hội an nău rgop tâm 7 trong nchrăp luật n'hanh 2 trong nchrăp Nghị quyết, tâm nê geh trong nchrăp Luật neh ntu (rgâl nkra) gay hao mbơh rblang Quốc hội ta rơh hop tâl 4, Quốc hội khóa 15.

Lah ta rnôk ntơm pơk, Kruanh Quốc hội Vương Đình Huệ an gĭt: Trong nchrăp Luật neh ntu (rgâl nkra) dơi tâm nchră, an nău rgop ta 3 rơh hop. Quốc hội tâm nchră ta Rơh hop tâl 4 n'hanh uănh an dŏng tâm rơh hop tâl 6 tâm khay 11 năm 2023. Kruanh Quốc hội nkoch kloh, gay nchrăp mĭn ŭanh di tay trong nchrăp Luật, tât aƀaơ Ủy ban Kinh tế n'hanh ăp nhih pah kan bah Quốc hội hŏ ƀư âk rơh tâm nchră./.  

Nuĭh rblang: Điểu Thân