VOV4.M'nông: Ôi 3/10, ta Nhih pah kan Trung ương Đảng, tâm nchră tâl 6 Ban chấp hành Trung ương Đảng khoá 13 hŏ ntơm pơk ngăn ta nâm nău ƀư tơm bah Tổng Bí thư Nguyễn Phú Trọng. Tổng Bí thư Nguyễn Phú Trọng hŏ nkah 5 nkô̆ nău gay Trung ương tâm nchră.

Tâm nê, nkô̆ nău bôk năp lah mĭn uănh tay nô nău wăng sa- rêh jêng kon nuĭh, ngân sách ngih dak năm 2022, trong nchrăp hun hao wăng sa- rêh jêng kon nuĭh, ngân sách ngih dak năm 2023, Tổng Bí thư Nguyễn Phú Trọng đă, Trung ương gŭ mĭn na nê̆ si ƀŭt mbơh rblang bah Ban cán sự đảng Chính phủ n'hanh nău ngăn geh ta âk n'gâng kan, ăp n'gor ntŭk pah kan, rgum tâm nchră, rblang ăp nkô̆ nău ntoh lư bah năm 2022, ƀư kloh ăp nău dơi hŏ geh; ăp nău hôm rbăn lhơ; nău nchroh ăp nău dơi let năp tay. Njrăng ŭanh tâm rđĭl đah ăp rnoh tât kan, nău dơn kan hŏ n'gluh gay nkre njrăng, n'gang mât kân geh nău tam nuh srê, nkre dâk hao tay wăng sa- rêh jêng kon nuĭh, lơn lah an mât kân lor hao khlay ndơ, mât nâp đăp mpăn wăng sa têh, đăp mpăn lam rêh jêng kon nuĭh./.

VOV.VN

Nuĭh rblang: Điểu Thân