Râng Đại hội geh 793 nuĭh ntơh măt ngăn lah ăp bu ur ntoh lư, ntơh măt an ăp rơh kơn bu ur, ăp rnoi mpôl đê̆, chroh rƀŭn, trong pah kan n’hanh lam rêh jêng tâm lam dak. Đại hội rơh dja uănh năl lôch jêh trong leo kan bu ur n’hanh nău kan Hội năm kan 2022-2026, n’gluh trong rƀŏng, rnoh tât kan, nău dơn kan n’hanh trong nkra pah kan Hội, trong leo bu ur năm kan 2026 – 2031.

Tâm trôm bôk nău kan Đại hội, Đại hội mbra sơch Ban Chấp hành TW Hội Liên hiệp bu ur Việt Nam khoá XIV, năm kan 2026 – 2031; Đại hội rgum tâm nchră mpeh ăp nkô̆ an ƀư tâm năm kan tât lah: Rgâl mhe nkô̆, trong kan Hội; Nsrôih râng rdâk njêng Đảng n’hanh lam trong kan chính trị kloh uĕh, nâp dăng; Rdâk njêng nuĭh bu ur Việt Nam rơh mhe, rgop hun hao văn hóa n’hanh kon nuĭh Việt Nam; nău khlay bah bu ur tâm hun hao wăng sa, rgop tĭng ƀư rnoh tât hun hao ngăch, nâp dăng bah neh dak; Bun dăp rnoh khlay rnăk wâl Việt Nam “rgâl blău mhe, srăch uĕh, hơm răm, rhơn nđơr”.