Ntoh nau tâm nar rƀŭn tal 17, HĐND nkuăl ƀon têh Hồ Chí Minh, gưl X, năm kan 2021-2026 ôi 15/7, Bí thư Thành uỷ nkuăl ƀon têh Hồ Chí Minh Nguyễn Văn Nên mbơh, năm kan tâm rơh hôm e bah năm kŏ kơt lah lôch năm kan lah nau jâk, ŭch ăp dĭng lĕ ân geh nau nsôih lơn tay tâm rơh tât. Bí thư Thành uỷ Nguyễn Văn Nên mbơh lah, rơh rƀŭn tal 17 geh âk nkô̆ nau khlay gay ƀư dơi ăp nkô̆ nau hun hao văng sa, rêh jêng, n’hao nau rêh bah năp năm, gleh năm ndrel jong năm.

Bí thư Thành uỷ nkuăl ƀon têh Hồ Chí Minh ân lah, nau kan dăch tât lah nau kan jâk, âk, khlay, ngăn lah ƀư ngăn ăp nau ntrŭnh, ntrong kan bah Trung ương, Quốc hội, Chính phủ gay njêng trong kan pháp lý ân nau kan bah nkuăl ƀon têh. Bah năp măt ndal nkoch mbơh, ntrŭnh ăp nau ntrŭnh geh nau dơi gay ƀư ăp nau ntrŭnh, Luật nchră bah rơh rƀŭn Quốc hội mhe rlau, ntrŭnh nau mrô 48 mpeh nau rlong pă gưl mât nau kan gay ƀư nau ntrŭnh mrô 98./.