Hội chữ thập đỏ n’gor Gia Lai mbơh ƀư Khay Kơl nuĭh năm 2024 đah bôk nău “Trong hăn kơl nuĭh-Jao dơn nău ŭch rŏng”, rƀŏng tât nău ƀư “Rkeh njoăt jâng kơl nuĭh” đah nău rƀŏng kơl âk nău rêh jêr jŏt ta n’gor Gia Lai n’hanh ăp n’gor Tây Bắc.

Tâm khay kơl nuĭh năm 2024, hô ngăn bah lơ 8/5 tât lơ 19/5, ăp gưl Hội n’gor Gia Lai nsrôih rgŏ jă 6 rmen 500 rkeh prăk, ntop kơl an 30.000 rnăk geh nău jêr jŏt đah âk trong ƀư kơl ƀư but uănh săm ji kơl an, mbơh ntĭm ntop kơl săk soan, pă dak si an dơm. An rlău 700 nklâm ndơ, ƀư nkoch trêng, rgŏ jă nar rgum yŭr an m’ham ŭch êng đah 1300 đơn vị mham. Hội chữ thập đỏ n’gor Gia Lai an gĭt, ăp nău ƀư kơl nuĭh năm aơ mô knŭng kơl ăp nău rêh jêr jŏt ta Gia Lai, ma hôm rêng hvi tă bah nău ƀư “Rkeh njoat jâng kơl nuĭh” yor Trung ương Hội chữ thập đỏ mbơh ƀư.