Năm 2023, Tổng công ty Tân cảng Sài Gòn, doanh nghiệp bâh Quân chủng Hải quân nsrôih tâm rgop đah Ban tuyên giáo n’gor Ủy 3 n’gor, Kon Tum, Gia Lai n’hanh Dak Nông ntrôl mbơh tơih mpeh dak lêng, gôl dak ta ăp nuĭh ƀon lan. Ta ăp rơh mbơh tơih pă an rlău 4 rbăn nuĭh tŏng ăp nău mbơh mpeh nău ta dak lêng, gôl dak. Tât râng mbơh tơih mpeh tâm pêt tâm kơl n’hanh mât rnă njrăng rêh jêng, ntŭk kan lĕ geh rdâk njêng 15 ngih tâm rŏng, dơn mât kơl, mât rong 28 nuĭh mê̆ Việt Nam anh hùng, nuĭh bên rnăk vâl tahen khĭt. pă an ndơ an rnăk ach o, nuĭh dơi kơl đah lĕ rnoh prăk rlău 2 rmen prăk.

Tâm ton nău kan tâm rgop ta năm 2024, lĕ rnoh Công ty Tân Cảng Sài Gòn n’hanh Ban tuyên giáo n’gor Ủy 3 n’gor: Kon Tum, Gia Lai n’hanh Dak Nông uănh năl geh n’hao tay nău kan mbơh tơih, n’hao nău gĭt vât bâh cán bộ, đảng viên, kon hoc, sinh viên n’hanh ăp nuĭh ƀon lan mpeh nău ntrŭnh, trong kan, nău kơl, pháp luật bâh Đảng, ngih dak đah nău ta dak lêng, gôl dak, geh ƀư âk ăp trong kan mbơh tơih bâh nău ngăn tât ƀư rơh tâm rlong, rơh joi gĭt mpeh dak lêng,  ntrôl dăng nău kan rgŏ jă ƀon lan, rnă njrăng nău rêh jêng ta ăp n’gor.