Tâm rnoh aơ, geh 3 nŭih khuch rmanh jâk geh rek nkre tâm Ngih dak si Đa khoa Kon Tum, leo tât nkual ƀon têh Hồ Chí Minh ndrel lŏ geh lăp săm tay. Nau ntrơn leo ăp nŭih khuch geh ƀư tĭng nau ŭch bah rnăk vâl ndrel rđau kan N’gâng kan mât ntŭk ntu tăch rgâl bah nkuăl ƀon têh Hồ Chí Minh.

Bah năp nê, kêng măng 13/4, ndeh rdeng năch rmôt hăn ƀư nau kan bah N’gâng kan mât ntŭk ntu tăch rgâl bah nkuăl ƀon têh Hồ Chí Minh geh 21 nŭih, rnôk dôl hăn tâm trong Quốc lộ 24 tât tâm thôn Đăk Puih, xã Đăk Tờ Re, nkual Kon Rẫy, n’gor Kon Tum ri mâp rmanh. Nau rmanh ƀư wa Nguyễn Thành Triệu khĭt ta ntŭk ndrel 24 nŭih, tâm nê geh 20 nŭih bah rmôt hăn mêt uănh nau kan, 2 nŭih ƀĭt ndeh ndrel du ndeh năch, du nŭih băl mpôl bah nŭih ƀĭt ndeh rdeng ndơ ndrel du nŭih ntĭm mbơh trong geh rmanh./.