“Nsôih ngăn, ƀư rjăp nau nchrăp ntuh kơl nsum tâm năm aơ gay rgop nau dơi geh nkô̆ nau hun hao 8%” Aơ lah nau đă bah Groi Thủ tướng Chính phủ Mai Văn Chính tâm nar rƀŭn trực tuyến bah Ntŭk kan mrô 7 mpeh nau bonh đă, doh rklaih nau jêr, nkol ntrŭt dăng nau dŏng tơm prăk tă ntuh kơl nsum năm 2025 bah 5 n'gor tâm nkuăl Tây Nguyên. Tâm nar rƀŭn, ăp n'gor mbơh ndrel ƀư kloh nau jêr, nau nkol, nkô̆ nau ndrel nau đă ntrong rklaih đah du đê̆ nau ntuh kơl. Ntoh nau tâm nar rƀŭn, Groi Thủ tướng Mai Văn Chính lah rjăp, năm aơ lah năm gay hun hao, ƀư ueh nchrăp 5 năm 2021-2025, đah nau nsôih hao ntơm 8% hao gŏ lơ” Mbơh kloh ma Chính phủ, Thủ tướng Chính phủ uănh khlay rđau, đă, ƀư rjăp mpeh nau ntuh kơl nsum.

 Groi Thủ tướng mbơh, mhe rlau aơ, Chính phủ hŏ ndâk 7 rmôt nau kan uănh tay nau tă geh dơi ƀư, mpeh nau pă tơm prăk, dŏng prăk ntuh kơl nsum. Tĭng Groi Thủ tướng nau kan ntơm rnôk aơ tât lôch năm mra jâk, ndri ma đă, gay ƀư ân geh nau tam nau pă dŏng tơm prăk ntuh kơl nsum tâm rơh tât, 5 n'gor nkuăl Tây Nguyên ƀư dăng nau rgum lam ntrong kan chính trị lăp kan tâm nau ƀư ân dơi ndrel săk tam. Ntơm bah nê rgop nau tâm ntrong hun hao bah neh dak, geh dơi nkô̆ nau hun hao 8%.