Ôi 19/7, Đảng uỷ rmôt ăp ntŭk ƀư kan tăch rgâl bah Trung ương ƀư rƀŭn lôch nau kan 6 khay bôk năm, ntrŭnh ƀư nau kan tâm 6 khay dŭt năm 2024. Tĭng nau mbơh, 6 khay rlau aơ, Đảng uỷ ăp ntŭk kan hŏ rgum rđau đảng bộ tâm dâng, rđau, đă ntŭk ƀư kan tăch rgâl ân ndâk tay, rgâl mhe ndrel n’hao nau săk tam bah ntŭk kan ngih dak tĭng ăp nau ntrŭnh, ntrong kan bah Đảng ndrel nau ntrŭnh, pháp luật bah Ngih dak. Nau ngăn lah, đah nkô̆ nau nsôih ân jêh ơm nkô̆ nau ntrŭnh Đại hội Đảng bộ ăp gưl năm kan 2020-2025.

Ăp nkô̆ nau ƀư kan tăch rgâl lam rmôt geh rlau 50% nau nchrăp năm ndrel hao rđil rơh aơ năm e. Rgŏ jă nau tâm rlong tâm rơh tât, Bí thư Đảng uỷ ăp ntŭk kan Trung ương Nguyễn Long Hải đă rgum ntrŭnh ƀư ăp nau kan mêt uănh bah năm 2024, rklaih nau phong lah nau kan nkol gay ma rklaih ăp nau hôm kol gay năm ba kơi geh ƀư Đại hội nơih, rgum ƀư nau kan ndâk tay rmôt kan, rđau đă ăp ntŭk ƀư nau kan tơm./.