Nsum ti dâk kan yor an n’hâm sial nđik uĕh n’hanh nkual ƀon têh kloh rsang. Aơ lah nkô̆ bah Lễ rgŏ jă tĭng nar ntŭk gŭ rêh lam ntŭr neh tă bah Sở Tài nguyên n’hanh Môi trường nkual ƀon têh Hà Nội kan nsum đah bôk nău kan hun hao bah Liên Hợp Quốc ƀư ôi ntri (03/06) ta Hà Nội. Thủ đô Hà Nội aƀaơ dôl  tâm rdâng đah âk ntil ntul rlong  tâm nê geh nkô̆ nău n’huk djơh ntŭk gŭ rêh, lơn lah n’hâm sial.

Wa Nguyễn Minh Tấn, Groi Giám đốc Sở Tài nguyên n’hanh Môi trường Hà Nội an gĭt, gay nkra nkô̆ nău dja, nkual ƀon têh hŏ gŭ mĭn, rdâk njêng n’hanh tĭng ƀư  ăp trong kơl, bôk nău kan n’hanh trong nchrăp mât njrăng ntŭk gŭ rêh n’hanh n’hâm sial, n’gluh an dŏng ăp trong nchrăp, trong kan rgum tơm gay rgâl kloh uĕh n’hâm sial, rdâng lơh đah rgâl duh nđik trôk nar rƀŏng tât hun hao jŏ jong an Thủ đô kơt trong nchrăp mât kloh uĕh n’hâm sial tât năm 2030, rƀŏng tât năm 2035, Đề án rgâl uĕh kloh rsang ăp dak me trôm nkual ƀon têh, trong nchrăp rdâng lơh đah mih nar khuch djơh lvang năm 2025-2030.