Jêh rnôk nkoch trêng, bonh đă, 13 rnăk ƀon lan tâm xã Cư Drăm, nkuăl Krông Bông, n’gor Dak Lak hŏ tâm ban nuih n’hâm, ndơn prăk kơl an ntrơn ngih tât ntŭk gŭ mhe ndrel jao neh ân ntŭk ƀư nkra Bôk nau kan trong hăn ngăch Khánh Hoà-Buôn Ma Thuột. Lam xã Cư Drăm geh rlau 47 ha neh bah 137 rnăk ân geh jao pă kơl an nau ndâk nkra trong hăn, Kơp tât lôch khay 4 mhe rlau, hŏ geh 124 rnăk ndơn kơl an ndrel jao neh ân ăp rmôt ƀư kan, 13 rnăk hôm e ê ŭch ndơn, jao neh.

Rnoh neh geh sŏk lơi bah 13 rnăk tâm thôn Cư Đ’hiăt, xã Cư Drăm lah bơi tât 8000 m2, 13 ngih kđar ndrel du đê̆ ntŭk êng êng. Neh ta aơ lah neh in êng, rnôk sŏk lơi mô geh pă ntŭk gŭ mhe, mô geh trok tâm, ma knŭng ndơn kơl an gay ma ntrơn ngih vâl ndrel drăp ndơ tâm neh. Bah nau bonh đă, 13 rnăk ƀon lan tâm ban, ndơn prăk kơl an ntrơn (bơi tât 1,6 rmen) sĭt ntŭk gŭ mhe./.