Ôi 24/12, Ủy ban Thường vụ Quốc hội ƀư rơh rƀŭn tal 52, djăt n’hanh tâm nchră samƀŭt mbơh bah Ủy ban Dân nguyện mpeh trong kan dân nguyện khay 11/2025. Tĭng nău mbơh, nuĭh ntoh măt ƀon lan n’hanh nuĭh ƀon lan lam dak nkoch tay nău uănh tât, nsing nơm tâm nău rđău bah Đảng tâm ndâk njêng Đảng, trong chính trị n’hanh trong kan cán bộ; nkre mpŏng kâp tâm rnôk nchrăp Đại hội đại biểu lam dak rơh tal 14 bah Đảng, kơt ăp trong nchrŏng hun hao wăng sa-rêh jêng năm 2026 n’hanh ăp năm bah năp tay.

Nuĭh ntoh măt ƀon lan n’hanh Nuĭh ƀon lan nkoch, nău rwê ta năp nău mih dak lip, dak băm hô ta miền Trung n’hanh âk n’gor nkual yôk, ƀư khuch khat têh đah nuĭh n’hanh drăp ndơ; djôt dơn nău nchrăp bah Chính phủ, nău lăp ngăch bah ăp rmôt kan dơi kan n’hanh n’gâng kan ƀon lan ntop kơl, trơn ƀon lan, rgop n’hŭch đêt khuch khat.