Tĭng uănh nđôi rơh rƀŭn tal 7, Quốc hội khóa 15, âk nuĭh ƀon lan ta Gia Lai, ngăn lah ƀon lan nkual rnoi mpôl đêt uănh mĭn tât rơh ôp n’hanh ơh nău ôp bah Kruanh N’gâng kan Văn hóa, Thể thao n’hanh Pâl nđaih wa Nguyễn Văn Hùng, Nuĭh ƀon lan mpŏng ŭch nău kan văn hóa mbra nta an, trong ƀư gay mât nău uĕh rnoi mpôl đêt, hun hao pâl nđaih n’hao nău rêh an nuĭh ƀon lan. Nuĭh ƀon lan H’Uyên ta nkuăl Chư Păh, n’gor Gia Lai lah:

 Jêh rơh rƀŭn săk gâp dŭt mpŏng ŭch Quốc hội uănh mĭn lah mpeh mât ndrăy nău uĕh văn hóa bah rnoi mpôl đêt n’gor Gia Lai, nkual rnoi mpôl đêt. Mât ndrăy ăp nău uĕh văn hóa kơt ăp jay nhih an dơi ƀư di nâm ơm, ăp nău kan cheh tanh way ơm n’hanh ăp nău kan tanh ngâr nkar, ndâk ƀư tay ăp lễ hội bah rnoi mpôl đêt ntŭk aơ gay bah kơi rơh druh ndăm dơi wât lơn n’hanh mât tât rgŏ năp bah rơh druh ndăm bah kơi.