VOV4.M'nông: Nthoi tay rơh hop  way nkô̆ pháp luật khay 9, ôi aơ, Uỷ ban Thường vụ Quốc hội an nău rgop mpeh trong nchrăp Luật Hợp tác xã (rgâl nkra). Trong nchrăp Luật Hợp tác xã (rgâl nkra) lĕ rngôch 12 Chương, 117 Điều. Trong nchrăp pơk hvi nuĭh râng kan lĕ ma nuĭh ntơm bah 15 năm deh let lơ, rmôt tâm boh, mpôl kan mô kâp geh nuĭh ntơh măt; nuĭh lăp kan geh tâm rgop tơm prăk, nuĭh râng mô geh rgop tơm prăk; nkre, kơi ntop nău way dơn kan bah ăp mpôl tâm boh wăng sa geh nuĭh ntơh măt ân n'glăp râng nsum rnôk geh tŏng nău dơi. Trong nchrăp Luật ƀư lôch jêh ăp quy định mpeh ntil trong kan wăng sa tâm boh, rmôt ntơh măt. Tâm nê, rmôt tâm boh dơi quy định kloh mbra mô geh nuĭh ntơh măt, đăng ký ta Nhih pah kan đăng ký tăch rgâl gưl nkuâl; liên đoàn hợp tác xã lah rmôt tâm boh wăng sa têh gưl nkual, gưl neh dak tâm ăp trong kan, rêng kan geh rnoh khlay way kan âk. Tâm nar aơ đŏng, Ủy ban TVQH an nău rgop tâm trong nchrăp Luật Hợp tác xã (rgâl nkra)./.

Nuĭh rblang: Điểu Thân