Công ty điện lực Dak Lak hŏ ƀư tiăr nti njrăng n’gang trôk nar lơh n’hanh kơl joi nuĭh năm 2024 ta nkuâl Cư Kuin. Ta rơh tiăr nti, ntĭt lah ta nkual xã Ea Ktur, Ea Bhốk, Ea Ning geh sial rvoănh brông n’hanh mih têh nkre phŭt n’glaih, tơm si chôt pă ntŭn rse điện ƀư chah sứ, pă n’gâng điện, ƀư roh điện lam nkual.

 Ngăch tât ntŭk khuch, nău nkô̆ khuch, ăp rmôt pah kan hŏ ôp tât Công ty ndrel tâm ban ŭch trong nkra, rgum nuĭh kan, ndeh rklư, ndơ dŏng, ntrŭp nkra gay năn ngăch lơh nkra. Lôch bơi 3h, ăp  đơn vị hŏ ƀư lôch jêh nău rgâl ntrŭp ndơ mhe, n’gâng điện khuch khat, kât tay ko sứ n’hanh nsŏng uĕh tay rse, koh tơm si geh chôt pă, muĭh soih aih an trong rse điện. Ma nău tiăr nti, Công ty điện lực Dak Lak gay n’hao nău dơi rdâng lơh đah ăp nău tât  khuch ndal, rdâk tay pă điện dŭt ơm lôch geh trôk nar lơh.