Khay bah năp, ăp ntŭk kan điện lực ta n’gor Dak Lak lĕ dŭt n’hâm tiăr nti nchrăp ăp trong mkra rnôk geh nău ŭnh sa. Ta gưl n’gor, PC Dak Lak lĕ râng ndrel ăp rmôt mpeh tâm Công an n’gor, UBND nkual ƀon têh Buôn Ma Thuột n’hanh du đêt ntŭk kan, ƀư tiăr nti puh nset ŭnh sa n’hanh wơt, kơl nău rmanh ta Ntŭk tăch rgâl Co.op Mart Buôn Ma Thuột.

Tiăr nti poh nset ŭnh sa n’hanh wơt kan nău rmanh ta Điện lực Krông Năng.

Ăp nar tiăr nti lĕ kơl n’hao dơi ƀư ntĭm rđău, ndâk njêng trong pơk dŏng, trong kan tâm rgop đah cảnh sát PCCC đah ăp rmôt tâm nău mkra ăp nău ŭnh sa têh, ŭnh sa jêr jŏt ta ăp ntŭk têh ta n’gor Dak Lak. Ta ăp nkuăl, ăp ntŭk kan điện lực Dak Lak lĕ ƀư tiăr nti nău kan, tiăr nti mpeh trong kan PCCC, nti nău blău rklaih luh nău rmanh n’hanh wơt kơl nuĭh geh rmanh rnôk geh rtoh ŭnh sa.