VOV4.M’nông – Tâm rgop tâm nuĭh kan n’hanh kơt dŏng công nghệ mrô, nsrôih tâm di tŏng ăp ngăch nău ŭch đah điện năng n’hanh ăp ndoh ndơ dŏng nơih, Công ty điện lực Dak Nông lĕ nta an nău nsing nơm, nău uĕh đah nuĭh dŏng. Ƀư tĭng văn hóa doanh nghiệp, cán bộ phung pah kan điện Dak Nông dŭt n’hâm đah nău kan, sŏk nuĭh dŏng ƀư tơm tâm ăp nău kan, ndâk njêng rup ndah nuĭh kan điện dŭt n’hâm, dăch dêh đah nsum mpôl.

PC Dak Nông an jay tâm kơl an wa Đặng Mùi Quyền, xă Dak Wil, nkuăl Cư Jut

Bah meng nău ntuh kơl hang rhiăng rmen prăk gay ƀư ăp nău kan ndơ̆ điện sĭt nkual jru ngai, PC Dak Nông hôm ƀư tĭng âk bôk nău kan đăp mpăn rêh jêng, rgop n’hao nău rêh nuĭh ƀon lan. Rĭng ăp năm, công ty ƀư tĭng ăp nău kan ndâk ƀư jay tâm kơl; an ăp rnăk dơi kơl, nuĭh ach o ăp rơh lễ tết; an prăk kơl hăn nti an kon hŏk ach o; ntop kơl prăk an jay sa tâm kơl ta ăp ngih dak si ta n’gor Dak Nông. Đah dĭng lĕ nklăp 500 rkeh prăk.

VOV Tây Nguyên/ Nuĭh rblang: Y Sưng Phê Ja