Quân đoàn 3 lĕ mpơl nău kan lah ntŭk kan tơm, tâm rgop têh ta trong rklaih đăp mpăn Tây Nguyên n’hanh mpŏng tât rklaih lĕ rngôch mpeh Nam, dơn ngoăy neh dak ta lơ 30/4/1975. Tâm nău kan njêng n’hanh mât ngih dak, Quân đoàn 3 lĕ tâm rnglăp, kan ndrel ueh đah cấp ủy, n’gâng kan n’hanh ƀon lan ăp mpôl rnoi ta ntŭk pah kan, tâm rgop dŭt khlăy an nău hun hao wăng sa, rnă njrăng ngih dak ta Gia Lai lah êng, ăp n’gor Tây Nguyên lah nsum.

Đah ăp nău dơi n’hanh nău geh khlăy ntoh lư ta rơh tâm lơh tâm su n’hanh ta trong kan rdâk njêng n’hanh mât ngih dak, Quân đoàn 3 ryơk rnê geh Đảng n’hanh ngih dak pă nău nkhôm rnê Anh hùng lực lượng Vũ trang nhân dân ta nar 20/12/1979, 81 ntŭk kan n’hanh 47 nuĭh kan geh Đảng, ngih dak pă nău rnê ntơ Anh hùng lực lượng vũ trang nhân dân. Tâm nĕ geh 9 ntŭk kan geh rnê nsơm nău ntơ Anh hùng tal 2, Lữ đoàn CB 7 n’hanh trung đoàn BB66 geh rnê nsơm nău ntơ ANh hùng tal 3 ta rơh rgâl mhe.