Nthoi tay nar pah kan bah rơh hop tâl 7, Quốc hội khóa XV, nar aơ (30/5), Quốc hội ntơm lăp nar pah kan tâl jât đah ăp nkô̆ khlay geh tât trong nchrăp bôk nău kan groi nđôi bah Quốc hội năm 2025; bôk nău kan rdâk njêng luật, pháp lệnh năm 2025, rgâl di tay bôk nău kan rdâk njêng luật, pháp lệnh năm 2024; n’glêh an sŏk dŏng prăk ngân sách ngih dak; Luật Công nghiệp quốc phòng, an ninh n’hanh động viên công nghiệp.

Ntơm pơk rơh hop bah ôi, Quốc hội djăt Tổng Thư ký Quốc hội rblang dăn mpeh trong nchrăp bôk nău kan groi nđôi bah Quốc hội năm 2025; n’hanh rgum tâm nchră ta hội trường mpeh trong nchrăp bôk nău kan groi nđôi dja. Lôch nê, Ủy viên Ủy ban Thường vụ Quốc hội, Chủ nhiệm Ủy ban Pháp luật bah Quốc hội rblang dăn mpeh trong nchrăp bôk nău kan rdâk njêng luật, pháp lệnh năm 2025, rgâl di bôk nău kan rdâk njêng luật, pháp lệnh năm 2024. Lôch rblang dăn bah Chủ nhiệm Ủy ban Pháp luật bah Quốc hội, Quốc hội tâm nchră ta hội trường mpeh ăp nkô̆ geh tât trong nchrăp bôk nău pah kan.