Ndơn đă kan bâh Thủ tướng chính phủ mbơh tơih nău mbơh, kruanh n’gâng kan kế hoạch n’hanh đầu tư Nguyễn Chí Dũng an gĭt, nău rdâk njêng ntop tay du đê̆ nău kan, nău kơl êng gay ma ƀư tĭng Nghị quyết mbrô 39 bâh n’gâng kan chính trị, gay ma n’hao ăp nău dơi, nău geh gay ma hun hao n’gor Nghệ An ngăch n’hanh nâp nâl, lah ntŭk nklang bâh nkual mpeh Bắc trung Bộ mpeh tăch rgâl, logistics, ntĭm nti, dak si, khoa học n’hanh công nghệ, công nghiệp n’hanh tuch tăm dŏng công nghệ mhe.

N’hao nău pă kan, pă nău dơi mât leo, nău dơi leo kan, n’hao nău dơn kan bâh n’gâng kan n’gor Nghệ An, nkre lah mât đăp mpăn nău kan uănh nđôi, uanh năl bâh Quốc hội, Chính phủ, Hội đồng nhân dân ăp gâl bâh n’gor Nghệ An . Nău mbơh tơih ôp uănh nđôi mpeh nău nchrăp Nghị quyết, kruanh Ủy ban tơm prăk, tơm prăk bâh Quốc hội Lê Quang Mạnh an gĭt, Ủy ban tơm an lah, nău chính phủ ndơ̆ an Quốc hội uănh n’hêl, ntrŭnh mbơh đah nău nchrăp Nghị quyết bâh Quốc hội mpeh rlong ƀư ntop du đê̆ nău kan, nău kơl ơm geh gay ma hun hao n’gor Nghệ An lah geh nău knơm chính trị, knơm mpeh pháp lý n’hanh tâm di đah nău dơi geh. Tâm ôi lơ 31/5, Quốc hội djăt nău mbơh tơih n’hanh mbơh ôp nău nchrăp Nghị quyết rgâl mhe, ntop du đê̆ Nghị quyết bâh Quốc hội mpeh rlong ƀư nău kan n’gâng kan nkuăl ƀon têh n’hanh du đê̆ nău kan, nău kơl kan ơm way geh hun hao nkuăl ƀon têh Đà Nẵng.