Lôch pe nar pah kan đah âk nkô̆ khlay, lơn lah pah kan nchrăp nuĭh kan, tĭng trong nchrăp pah kan, nar aơ (23/5) Quốc hội lăp tâm nar pah kan tâl puăn bah Rơh hop tâl 7, Quốc hội khóa XV đah rơh tâm nchră ta rmôt mpeh nău: Uănh năl kơi ntop lôch  jêh geh tĭng ƀư trong nchrăp hun hao wăng sa- rêh jêng kon nuĭh n’hanh ngân sách Ngih dak năm 2023; nô nău tĭng ƀư trong nchrăp hun hao wăng sa – rêh jêng kon nuĭh n’hanh ngân sách Ngih dak ăp khay bôk năm 2024.

Bah ôi, ăp đại biểu mbra tâm nchră ta rmôt mpeh pah kan tĭng ƀư mpêt nkrem, njrăng bah mpŭng lir năm 2023; lôch jêh tĭng ƀư ăp rnoh tât kan gưl neh dak mpeh tâm ban bu ur bu klô năm 2023. Kêng măng, Quốc hội tâm nchră ta hội trường mpeh lôch jêh groi nđôi nău nkra dăn đă bah cử tri njuăl tât rơh hop tâl 6, Quốc hội khóa XV; Nuĭh kan Chính phủ n’hanh ăp nhih pah kan, ăp nuĭh geh tât mbơh rblang, ƀư kloh du đêt nkô̆ nău đại biểu Quốc hội nkoch.