Ntơm tâm pơh bah kan tal 2 bah rơh rƀŭn tal 7, Quốc hội khóa 15, ăp đại biểu an lĕ nar 27/5 gay tâm nchră dự thảo Luật Bảo hiểm xã hội (nkra rgâl). Tă bah âk rơh tâm nchră ta ăp rơh rƀŭn, rơh rƀŭn bah năp, tât aƀaơ hôm e âk nău rgop êng êng wăr nău ntrŭnh mpeh rhoăt bảo hiểm xã hội du tơ̆, bôl mpôl nchih rgum lĕ djăt, nkra di ăp trong tă n’gluh an bah năp đaơ.

Tĭng dự thảo Luật Bảo hiểm xã hội (nkra rgâl) mbơh an Quốc hội rơh aơ, nău rhoăt bảo hiểm xã hội du tơ̆ đah nuĭh pah kan tŏng 20 năm ndơ̆ prăk bảo hiểm xã hội geh 2 trong. Trong ngoăy, nuĭh pah kan dơi ƀư 2 rmôt. Tĭng nĕ, rmôt nuĭh pah kan ntơm râng bảo hiểm xã hội bah nar Luật aơ geh tam let lơ ri dơi rhoăt bảo hiểm xã hội du tơ̆. Trong tal 2; Nuĭh pah kan dơi rhoăt bảo hiêm xã hội du gưl yơn dŭt âk mô rlău 50% dĭng lĕ năm lĕ rgip tâm prăk nkrem rlu ranh n’hanh khĭt.