Lơ 29/5, Quốc hội dŏng du nar gay tâm nchră ta Ngih rƀŭn mpeh nau kan văng sa, rêh jêng ndrel tơm prăk Ngih dak năm 2023 ndrel ăp khay bôk năm aơ. Ăp ntoh măt Quốc hội ntoh nau tâm ban ma nau mbơh bah Chính phủ mpeh nau nchră nau kan hun hao geh ndâk, văng sa đăp mpăn, ăp nau tâm ban têh bah jâng văng sa geh đăp mpăn, pă tơm prăk ntuh kơl geh 17,4% nau nchrăp, prêh ngăn tâm 4 năm ma aơ, lah nau khlay gay ntrŭt dăng văng sa tâm dak.

Tâm rnôk hôm âk nau jêr, ăp ntoh măt lah rjăp: nau ang geh kơp dơn lah nkuăl ƀư kan tuch tăm lŏ ƀư rjăp nau n’gâng tơm bah jâng văng sa, đăp mpăn nau rêh jêng, đăp mpăn ndơ sa bah neh dak. Tuch tăm, ƀon lan, ntŭk gŭ ƀon lan dôl geh nau rgâl ngăn tâm nau ndâk ƀon lan mhe ndrel geh nau rgop ngăn tâm nau hun hao./.