Nthoi tay rơh rƀŭn tal 7, nar aơ (25/5), Quốc hội an lĕ nar gay tâm nchră ta ngih rƀŭn mpeh nău mbơh bah Mpôl Groi nđôi n’hanh dự thảo Nghị quyết bah Quốc hội mpeh jêh groi nđôi chuyên đề “nău ƀư tĭng Nghị quyết mrô 43 năm 2022 bah Quốc hội n’hanh ăp nghị quyết bah Quốc hội mpeh du đêt nău nchrăp ƀư khlay ngih dak tât lĕ năm 2023. Du đêt nău ntop kơl an tâm ăp nghị quyết aơ tă dơi uănh lah “mpon n’ông” an âk doanh nghiệp n’hanh nuĭh pah kan rlet rlău jêr jŏt jêh srê Covid-19.

Tă bă na nê̆ uănh nđôi nău ƀư tĭng Nghị quyết 43 bah Quốc hội an saơ, nău an Nghị quyết aơ lah trong ƀư di, ngăch tâm rnôk nu nău wăng sa-rêh jêng neh dak rdâng đah âk jêr jŏt yor khuch hô bah srê Covid-19. Knơm nĕ wăng sa geh trong hao dăng tâm năm 2022, đah rnoh hao jêng GDP geh rlău 8%, lah rnoh hao jêng âk ngăn tâm lvang 2011-2022. Mpôl Groi nđôi bah Quốc hội uănh lah: Ăp nău kơl mpeh prăk kaih, an manh tâm nghị quyết 43 lĕ ngăch ntop kơl mbak jâk mpeh prăk kaih an ăp nuĭh geh khuch hô yor srê Covid-19 tâm lvang jêr jŏt ngăn.