Lŏ rơh rƀŭn tal 7, ôi 7/6, Quốc hội tâm nchră tâm ngih rƀŭn mpeh nau ân dŏng tơm prăk ngih dak năm 2022. Ăp ntoh măt nchră, Chính phủ, Thủ tướng Chính phủ hŏ kơl an rđau, geh âk nau kan tâm ban, nsôih rjăp ƀư ăp nau trok dŏng tơm prăk Ngih dak. Tâm nê, tơm prăk năm 2022 rlet nau nchrăp 28%, geh tă bah ăp ntŭk kan ngih dak, tơm prăk tă bah dak ba dih, văng sa bah dih ntŭk kan tăch rgâl kŏ geh ndrel rlet nau nchrăp, tâm ban tơm prăk dŏng nkô̆ nau ndâk hun hao văng sa, rêh jêng năm 2022, đăp mpăn tâm ban nau kan bah văng sa, huch rnoh rnon ndrel prăk dŏng.

Lôch nar nchră, Groi Kruanh Quốc hội Nguyễn Đức Hải đă Chính phủ rklaih nau kan, njoăl nau mbơh nchră tơm prăk mbrơi, nkre rklaih nau kol, nau ê dơi tâm nau kan mât, dŏng tơm prăk, kơt: Nchrăp ƀư, dŏng ndrel ndâk nau nchrăp tưm prăk mô tâm dăch, jăng lơi nau nchrăp, jao tơm prăk dŭt năm âk geh nau rƀŏng hao, hôm nau ê tŏng, tơm prăk lŏ ndŏ. Tơm prăk ntuh kơl nsum ndrel rnoh rnon ndâk nkra hôm geh âk tâm ăp gưl kan bah nkuăl./.