Nthoi tay rơh hop tâl 4, nar aơ (10/11), Quốc hội n'hơr ti ŭch an dŏng Nghị quyết mpeh trong nchrăp hun hao wăng sa- rêh jêng kon nuĭh năm 2023. Trong nchrăp hun hao wăng sa- rêh jêng kon nuĭh năm 2023 tă bah Thủ tướng Chính phủ Phạm Minh Chính mbơh rblang ta rơh ntơm pơk Rơh hop Quốc hội lah kloh rnoh ŭch tât kan an ƀư lor mât đăp mpăn wăng sa têh, mât kân bah hao khlay ndơ, ntrŭt ntrôl hun hao, đăp mpăn geh tâm ban têh bah jâng wăng sa.

Kân bah ăp ntil nuh srê. Tâm 12 rmôt nău kan, trong nkra dơi Chính phủ n'gluh, rgum an ƀư mât đăp mpăn lor wăng sa têh, kân bah hao khlay ndơ; ƀư lôch jêh ăp tŏng nău way trong kan; n'hao geh nău tam leo dŏng ƀư pháp luật; Ntrôl dăng njrăng, n'gang sa khâm, tih djơh; n'hao dăng jăp kan; n'hao nău dơi tam, nău dơi geh mât bôk kan ngih dak. Uănh khlay hun hao lam lĕ rngôch n'hanh ăp kôp ăp trong kan văn hóa, đăp mpăn tâm ban hun hao wăng sa đah văn hóa, rêh jêng kon nuĭh, đăp mpăn tŏng geh nău rêh, n'hao nuih n'hâm, drăp ndơ bah nuĭh ƀon lan.

VOV/Nuĭh rblang: Điểu Thân