Ôi 16/1, ta Rơh rƀŭn ndal rơh tal 5, Chính phủ mbơh dự thảo Nghị quyết bah Quốc hội mpeh du đêt trong ƀư, nău kơl an êng ƀư tĭng ăp bôk nău kan rƀŏng tĭng lam dak. Ndơn nău đă bah Thủ tướng mbơh rblang sam ƀŭt, Kruanh n’gâng kan prăk kaih Hồ Đức Phớc an gĭt

Chính phủ đă ăp trong mkra nău kơl an êng rlău nău dơi bah Chính phủ gay rơih rklaih ăp jêr jŏt, wăk kol, nta nơih tay an ăp ntŭk ntrôl ngăch ƀư tĭng, pă an prăk ăp bôk nău kan rƀŏng tĭng lam dak tâm năm tât yor aƀaơ săk rnglăy mbơh ƀư tĭng ăp bôk nău kan rƀŏng tĭng lam dak hôm e đêt, ngăch pă an prăk Trung ương dôl an hôm e dŭt mbrơi. Chính phủ an lah, ăp trong mkra aơ lah dơi mbơh an mbra dôh rklaih ăp jêr jŏt, wăk kol, nta nơih an ƀon lan ntrôl ngăch ƀư tĭng, pă an prăk ăp bôk nău kan rƀŏng tĭng lam dak, lơn lah pă an prăk sự nghiệp.