Ôi 26/6, ta nâm nău mât  bôk kan bah Groi kruanh Quốc hội Nguyễn Đức Hải, Quốc hội ƀư n’hơr ti ŭch n’gluh an dŏng Nghị quyết bah Quốc hội mpeh rlong kơi ntop du đêt trong kơl mha êng hun hao n’gor Nghệ An n’hanh nkual ƀon têh Đà Nẵng. Quốc hội ƀư n’hơr ti n’gluh an dŏng Nghị quyết bah Quốc hội mpeh dăp rgum n’gâng kan đô thị n’hanh rlong du đêt trong kơl mha êng hun hao nkual ƀon têh Đà Nẵng.

Kêng dŭt, 93% đại biểu râng n’hơr ti ŭch (452/459) n’gluh an dŏng Nghị quyết mpeh leo ƀư n’gâng kan đô thị n’hanh rlong du đêt trong kơl mha êng hun hao nkual ƀon têh Đà Nẵng. Đah nău rlong njêng Nkual tăch rgâl dah rŏng, Ủy ban Thường vụ Quốc hội saơ, nău rlong njêng Nkual tăch rgâl dah rŏng lah trong nchrăp têh hŏ geh tŏng ntŭk nsing chính trị, ntŭk nsing tâm di, lah tĭng ƀư geh nău dơi mbra njêng jâng ntơm an hun hao wăng sa- rêh jêng kon nuĭh bah nkual ƀon têh Đà Nẵng n’hanh bah lam nkual. Bah năp nê, đah lơn âk phiếu ăp đại biểu ŭch (453/459), 93,21%; Quốc hội hŏ n’gluh an dŏng Nghị quyết mpeh rlong kơi ntop du đêt trong kơl mha êng hun hao n’gor Nghệ An.