Ta rơh rƀŭn nchră, ndơn kan âk ntŭk kan tâm radio nău ngơi VN lĕ tâm nchră mbơh tơih âk nău dơi lĕ dơi geh, nkre lah nchŏng na nê̆ ăp nău kŏ khan n’hanh nău dăn đă mbơh ăp trong kan ndâk nsơm, mât đăp mpăn tâm năm 2026 ƀư lôch an ueh nău kan geh pă jao. Kơp dơn, rnê nsơm ăp nău nsrôih bâh ăp ntŭk kan n’gâng kan, Bí thư Đảng Uỷ, TGĐ Radio nău ngơi Việt Nam Đỗ Tiến Sỹ lah na nê̆, tâm let năp tay, ăp ntŭk kan an geh n’hao nău tâm rnglăp, dơn ngoăy, an geh ƀư lôch nkô̆ nău, geh âk nău mbơh tơih, lah na nê̆ nău kan ntŭk kan báo chí leo kan hăn ndrel đah neh dak. Tổng Giám đốc Radio nău ngơi Việt Nam lah na nê̆; năm 2026 mbơh tơih geh âk nău kan tơm kơt lah: Đại hội Đảng lam dak tal 14, mbơh tơih  Nghị quyết Đại hội 14, rơh săch kruanh Quốc hội n’hanh Hội đồng nhân dân ăp gưl, ndrel đah ăp nău pah kan Cách mạng geh mbơh tơih têh hvi, lĕ rngôch bâh gưl uỷ, n’gâng kan tât Nghị quyết HĐND ăp gưl.