Kêng măng 14/1, ta ntŭk kan rƀŭn rgum neh dak (Hà Nội) geh nau ƀư ntơm ndâk Ntŭk kan mbơh nau Báo chí ndrel rƀŭn mbơh lam ntur neh mpeh Đại hội ntoh măt lam dak tal XIV bah Đảng. Ntoh nau tâm nar rƀŭn, Uỷ viên Bộ Chính trị, Rnâng kan Ban Bí thư Trần Cẩm Tú kơp dơn, rnê prêh nau ŭch rŏng, nau kan bah rmôt phóng viên ăp ntŭk nkoch mbơh nau mhe tâm dak ndrel dak ba dih tâm nau kan nkoch, mbơh trêng mpeh Đại hội tal 16 bah Đảng. Nkre mbơh, Đại hội XIV mra geh ƀư ta Hà Nội ntơm lơ 19 tât 25/1/2026, đah nau râng bah 1.586 nŭih, ntoh măt ân rlau 5,6 rkeh đảng viên Đảng Cộng sản Việt Nam, đah nkô̆ nau ‘tâm rnglăp-ƀon lan ƀư tơm-nâp rjăp-rgâl mhe-Hun hao”. Du nau mhe tâm nau kan nchrăp Đại hội XIV lah nau rgâl rjăp tâm nau ndâk nau kan. Rơh bôk năp, pe nau mbơh khlay (Mbơh nau chính trị, mbơh nau văng sa-rêh jêng ndrel mbơh nau ndâk njêng Đảng) geh rgum jêng du nau mbơh nau chính trị rgum, tâm ban. Mô knŭng nsrŭng tâm nau kan năl nkô̆ nau, nau kan, Nau ntrŭnh Đại hội XIV hôm geh nsum ma nau kan ngăn, năl kloh nkô̆ nau kan, nau ngăch ndrel nau ƀư. Nau aơ ân saơ nau nsôih leo Nau ntrŭnh lăp tâm nau rêh nkre jêh Đại hội, rlaih nau mbrơi nkai tâm nau ntrŭnh ƀư. Nau sŏk nau rgop bah ƀon lan đah nau ntrŭnh, đah bơi tât 14 rkeh tŏ rgop nau, lah mpơl saơ ueh ân nau tâm rnglăp đah ŭch bah Đảng ndrel nuih n’hâm ƀon lan, nkre ntoh nau tâm ban tâm nau rêh dŭt prêh đah ăp nau rƀŏng têh ma Đại hội XIV nchrăp luh. Ndrel ma nê, nau kan ƀư, kơl an, mât đăp mpăn, rnă njrăng ndrel mbơh nau nkoch trêng geh ƀư ơm, rjăp, rgop nau ƀư nap nau rnơm bah cán bộ, đảng viên ndrel ƀon lan ma Đại hội, njêng nau tâm ban prêh ngăn tâm Đảng ndrel nau tâm ban tâm nau rêh./.Kêng măng 14/1, ta ntŭk kan rƀŭn rgum neh dak (Hà Nội) geh nau ƀư ntơm ndâk Ntŭk kan mbơh nau Báo chí ndrel rƀŭn mbơh lam ntur neh mpeh Đại hội ntoh măt lam dak tal XIV bah Đảng. Ntoh nau tâm nar rƀŭn, Uỷ viên Bộ Chính trị, Rnâng kan Ban Bí thư Trần Cẩm Tú kơp dơn, rnê prêh nau ŭch rŏng, nau kan bah rmôt phóng viên ăp ntŭk nkoch mbơh nau mhe tâm dak ndrel dak ba dih tâm nau kan nkoch, mbơh trêng mpeh Đại hội tal 16 bah Đảng. Nkre mbơh, Đại hội XIV mra geh ƀư ta Hà Nội ntơm lơ 19 tât 25/1/2026, đah nau râng bah 1.586 nŭih, ntoh măt ân rlau 5,6 rkeh đảng viên Đảng Cộng sản Việt Nam, đah nkô̆ nau ‘tâm rnglăp-ƀon lan ƀư tơm-nâp rjăp-rgâl mhe-Hun hao”.

Du nau mhe tâm nau kan nchrăp Đại hội XIV lah nau rgâl rjăp tâm nau ndâk nau kan. Rơh bôk năp, pe nau mbơh khlay (Mbơh nau chính trị, mbơh nau văng sa-rêh jêng ndrel mbơh nau ndâk njêng Đảng) geh rgum jêng du nau mbơh nau chính trị rgum, tâm ban. Mô knŭng nsrŭng tâm nau kan năl nkô̆ nau, nau kan, Nau ntrŭnh Đại hội XIV hôm geh nsum ma nau kan ngăn, năl kloh nkô̆ nau kan, nau ngăch ndrel nau ƀư. Nau aơ ân saơ nau nsôih leo Nau ntrŭnh lăp tâm nau rêh nkre jêh Đại hội, rlaih nau mbrơi nkai tâm nau ntrŭnh ƀư. Nau sŏk nau rgop bah ƀon lan đah nau ntrŭnh, đah bơi tât 14 rkeh tŏ rgop nau, lah mpơl saơ ueh ân nau tâm rnglăp đah ŭch bah Đảng ndrel nuih n’hâm ƀon lan, nkre ntoh nau tâm ban tâm nau rêh dŭt prêh đah ăp nau rƀŏng têh ma Đại hội XIV nchrăp luh. Ndrel ma nê, nau kan ƀư, kơl an, mât đăp mpăn, rnă njrăng ndrel mbơh nau nkoch trêng geh ƀư ơm, rjăp, rgop nau ƀư nap nau rnơm bah cán bộ, đảng viên ndrel ƀon lan ma Đại hội, njêng nau tâm ban prêh ngăn tâm Đảng ndrel nau tâm ban tâm nau rêh./.