Kêng măng 4/4, N’gâng kan mât njrăng bri dak tâm rgop đah Ban Tuyên giáo Trung ương ƀư Rƀŭn nchră nkoch tơih Rgum nchră khoa học gưl ngih dak “Điện Biên Phủ lơh dơi đah nău kan ndâk njêng n’hanh mât njrăng Bri dak Việt Nam xã hội chủ nghĩa”. Rgum nchră gay mĭn lah, ƀư kloh nău tơm n’hanh ăp nău rgop têh bah rmôt vũ trang n’hanh nuĭh ƀon lan lam dak, bah ƀon lan ăp rnoi nuĭh Tây Bắc, na nê̆ lah tahen n’hanh nuĭh ƀon lan n’gor Điện Biên.

Aơ lah di an ăp nuĭh khoa học, nuĭh mĭn njêng lý luận rblang nău, ƀư kloh nău têh nkô̆ khlay lịch sử, nkô̆ nău dơi; mât uĕh ăp nău nti blău ơm tâm nău kan ndâk njêng n’hanh mât njrăng Neh dak aƀaơ. Mpôl rdâk ƀư lĕ nchih kỷ yếu rgum nchră tĭng nkô̆ nău 104 bài tâm nchră, rgum nchră geh nklăp 500 đại biểu, geh tât râng bah ăp đồng chí kruanh Đảng, Ngih dak, Quốc hội. Lơn lah, râng rgum nchră geh 3 nuĭh lịch sử-lah ăp nuĭh na nê̆ râng tâm lơh Điện Biên Phủ.