Nar 10/11, Hội Doanh nhân mom n’gor Dak Lak ƀư Rƀŭn nchră boăt nthoi tăch rgâl, kan ndrel tăch rgâl n’hanh ntuh kơl đah tât râng bah bơi 40 Hội doanh nhân mom ăp n’gor, nkual ƀon têh, câu lạc bộ mpeh tâm n’gor n’hanh bơi 1.000 đại biểu lah doanh nhân mom ta lam dak.

Wa Nguyễn Tuấn Hà, Groi Kruanh rnâng kan UBND n’gor Dak Lak ntoh ngơi ta Rƀŭn.

“Rƀŭn nchră rgum tâm ăp bôk nău “Rgâl mrô n’hao prêh ndơ lŏ mir Việt”; Dak Lak-ntŭk tât bah nuĭh ntuh kơl lŏ mir mhe; Ndơ̆ ndơ lŏ mir hao ăp ntŭk tăch điện tử n’hanh dơi tăch n’gluh bah Dak Lak hăn lam ntŭr neh”. Rƀŭn nchră nkoch ăp ndơ nchrăp ƀư wăch rgum ntuh kơl ta n’gor Dak Lak, tâm nchră nkoch dơi geh ntuh kơl n’hanh nău dơi hun hao bah n’gor Dak Lak.

Ăp đại biểu râng rƀŭn nchră

Ta rƀŭn nchră geh 22 ntŭk kan ký ăp sam ƀŭt nkah gĭt “Boăt nthoi tăch rgâl, kan ndrel tăch rgâl n’hanh ntuh kơl”. Di rơh aơ, Hội doanh nghiệp mom Việt Nam an 2 mlâm jay tâm yô̆ tâm kơl khlay 110 rkeh prăk an ăp rnăk geh nău rêh jêr jŏt ta nkuăl Cư Kuin, n’gor Dak lak; an 50 nklâm ndơ an nuĭh khih dak si Dioxin ta n’gor, khlay 100 rkeh prăk.