Lah nău ƀư bôk năp an Pơh doanh nghiệp jê̆ n'hanh dah găp n'gor Lâm Đồng đah bôk nău "Rgâl ndal nđĭr uĕh n'hanh rnoh mbrô", Rgum nchră geh nău tât râng bah ăp nuĭh mât uănh, nuĭh rnâng kan ndrel rlău 100 doanh nghiệp jê̆ n'hanh dah găp n'gor Lâm Đồng. Rgum nchră gay ntop kơl ăp doanh nghiệp n'hao nău gĭt êng, nău mĭn, gĭt wât nău tâm boh đah Ntŭk ntô gŭ âm, Nău rêh jêng n'hanh Mât uănh doanh nghiệp (ESG) aƀaơ lah nău đă. N'gor Lâm Đồng aƀaơ geh rlău 30.000 doanh nghiệp, dŭt âk lah doanh nghiệp jê̆ n'hanh dah găp, đah ntŭk tăch ndơ an dak bah dih tât ăp dak châu Á geh rnoh rlău 60%; châu Âu 26%; hôm ƀa ƀă lah ăp châu lục êng ƀa ƀă. Ăp nuĭh rnâng kan an lah, ŭch hăn ngai lơn ăp doanh nghiệp bah Lâm Đồng mô knŭng rlu ta nău nkoch "geh ndơ tăch" ma ân hăn tât "geh ndơ tâm di đah rnoh ŭch geh bah ntŭk tăch rgâl, geh rnoh mbrô gay nkoch mbơh, geh trong mât uănh gay mât njrăng n'hanh geh nău dơi rblang đah băl tâm boh".