VOV4.M’nông – Kêng măng 3/10, ta Hà Nội, N’gâng kan Công Thương tâm rgop đah Hiệp hội doanh nghiệp Châu Âu ta Việt Nam ƀư rƀŭn mbơh  nkoch mpeh rƀŭn nchră gưl prêh n’hanh mpla nsơ wăng sa uĕh nđĭr 2022. Ƀư bah nar 28-30/11 ta nkual ƀon têh Hồ Chí Minh, Rƀŭn nchră gưl prêh n’hanh Mpla nsơ wăng sa uĕh nđĭr 2022 geh nkô̆ nău khlay tâm nău ƀư tĭng ăp nău mĭn mhe hun hao nâp nâl tâm di đah tâm ton ăp ding Việt Nam n’hanh Liên minh châu Âu, rgop ƀư tĭng trong kan ngih dak mpeh hao jêng uĕh nđĭr bah Việt Nam. Mpla nsơ wăng sa uĕh nđĭr mbra nkoch, mpla nsơ ăp công nghệ mhe, ndơ uĕh nâp âk, mĭn ƀư mhe n’hanh ntrong kan wăng sa uĕh nđĭr, wăng sa tâm pleh bah ăp doanh nghiệp châu Âu n’hanh Việt Nam. Bah meng nĕ ăp rƀŭn n’hanh tâm nchră tâm rnôk mpla nsơ mbra n’gâng tơm gay n’hao kan ndrel đah nsum mpôl doanh nghiệp châu Âu n’hanh Việt Nam, rgop ntrôl jâng wăng sa Việt Nam uĕh nđĭr, nâp nâl tă bah nău tâm ƀư nău ƀư mhe, nău mĭn êng n’hanh jao an công nghệ.

VOV.VN/ Nuĭh rblang: Y Sưng Phê Ja