Ôi 9/7, ta Hà Nội, N’gâng kan chính trị, Ban Bí thư ƀư rƀŭn nchră lam dak mât uănh nău ntrŭnh mrô 144 mpeh tâm di nău rêh cách mạng bah cán bộ, đảng viên tâm lvang mhe; Ntĭm đă mrô 35 mpeh đại hội đảng bộ ăp gưl rƀŏng tât Đại hội đại biểu lam dak rơh tal 14 bah Đảng. Ntoh ngơi ntĭm rđău, n’glôn jêh Rƀŭn nchră, đồng chí Lương Cường, Ủy viên Bộ Chính trị, Rnâng kan Ban Bí thư lah rjăp đă mbơh ƀư ƀư tĭng Nău ntrŭnh 144 n’hanh Ntĭm đă 35 rhăt jăp, săk rnglăy, geh nău rgâl na nê̆ mpeh nău wât n’hanh nău ƀư tâm lam Đảng, trong chính trị, n’hao nău tâm ban ŭch tâm nău rêh jêng n’hanh nuĭh ƀon lan.

Tâm nĕ, đah nău ntrŭnh 144, ăp gưl ủy, rmôt kan đảng, cán bộ, đảng viên an n’hao nău wât mpeh nău khlay bah Nău ntrŭnh, gĭt na nê̆, wât jru Nău ntrŭnh, nău khlay, lĕ đah nău kan bah chi bộ, chi ủy, ngăn lah nuĭh djôt bôk gưl ủy tâm rnôk mât uănh, rmôt kan ƀư tĭng Nău ntrŭnh; ăp cán bộ, đảng viên an nti êng, nsôih êng, tiăr nti, “Uănh êng nơm”, “nkra êng săk nơm” tĭng tâm di nău rêh cách mang.