Ôi nđaơ (8/3),ta nkual ƀon têh Hải Phòng, Rkum tâm rlong 5 nkual ƀon têh mpeh tâm Trung ương geh: Nkual ƀon têh Hồ Chí Minh, Hà Nội, Hải Phòng, Đà Nẵng, Cần Thơ ƀư rƀŭn nchră n’glôch jêh ƀư tĭng jao ton tâm rlong năm 2023 n’hanh ký ton jao ton tâm rlong năm 2024.

Ta Rƀŭn nchră, wa Đỗ Văn Chiến, Bí thư Trung ương Đảng, Kruanh Ủy ban Trung ương Mặt trận Tổ quốc Việt Nam, Groi Kruanh Hội đồng tâm rlong-rnê nkhôm Trung ương rnê nkhôm n’hanh mĭn lah săk rnglăy tâm rlong 5 nkual ƀon têh rgop khlay tâm nău hun hao wăng sa-rêh jêng lam dak. Lah rjăp, năm 2024 lah năm geh nkô̆ nău dŭt khlay, ngăch hao gay tât lor ƀư tĭng ăp nău rƀŏng wăng sa-rêh jêng Đại hội 13 bah Đảng n’hanh trong wăng sa 5 năm lvang 2021-2025 n’hanh nghị quyết Đại hội Đảng ăp ntŭk. Yor nê, ăp ntŭk an tĭng bôk nău ƀĭt joet năm 2024 bah Chính phủ gay mĭn bôk nău ƀĭt joet bah tĭng nkual ƀon têh, rgŏ jă ntrong leo tâm rlong tâm rlong rŏng dak jru hvi, ntrŭt nsôr ăp rơh kơn nuĭh ƀon lan, ăp doanh nghiệp mkra jêr jŏt nsrôih jêh trong nchrăp ntơm bah bôk khay, rơh bôk năp bah năm.