Ta Hà Nội, Groi Thủ tướng Chính phủ Lê Thành Long ƀư tơm Rƀŭn nchră N’glôch jêh Bôk nău kan tâm rgop đah Chính phủ n’hanh Hội Nông dân Việt Nam n’hanh Hội Liên hiệp Bu ur Việt Nam mpeh “Nkoch trêng rgŏ jă nkra njêng, tăch rwăt ndơ lŏ mir ndơ sông sa uĕh kah, đăp mpăn yor săk soan nsum mpôl, hun hao nâp nâl lvang 2021-2025”.

Tâm 5 năm bah năp, Bôk nău kan lĕ dơi ƀư rĭng ta lĕ rngôch ăp n’gor, nkual ƀon têh; lĕ ƀư rlău 300 rbăn jrô tiăr nti, nkoch trêng mpeh đăp mpăn ndơ sông sa; rgŏ jă rlău 8,5 rkeh rnăk n’hanh ntŭk jêt chrai ký ton nkra njêng, tăch rwăt ndơ lŏ mir tui ka đăp mpăn. Bôk nău kan lĕ ntop kơl ndâk ƀư âk rbăn ntrong kan nkra njêng lŏ mir tĭng tâm di VietGAP, hữu cơ, lŏ mir kloh uĕh, tâm pleh; bơi 9 rbăn ndơ OCOP; hang rbăn hợp tác xã, rmôt kan ndrel dơi mbơh ntĭm, ndâk njêng mhe mô lah nkra tay, rgop n’hao khlay n’hanh dơi tâm rlong bah ndơ lŏ mir ta ntŭk tăch tâm dak n’hanh tăch n’gluh. N’glôn jêh Rƀŭn nchră, Groi Thủ tướng Lê Thanh Long lah rjăp, năm tât an rgâl dăng bah nkoch trêng an ntĭm ƀư; rgâl nău ƀư bah nuĭh nkra njêng, ngăn lah đah nkual rnăk jêt chrai; ntrôl dăng ndâk njêng trong nkra njêng kloh uĕh, sinh thái, tâm pleh, hăn ndrel, đah rgâl mrô n’hanh rgâl mĭn ƀư mhe. Ăp gưl ăp nău kan đăp mpăn ndơ ndrel nuĭh ƀon lan rƀŏng tât lôch nău nkra njêng, tăch rgâl ndơ sông sa mô đăp mpăn, mât njrăng săk soan nsum mpôl n’hanh hun hao lŏ mir nâp nâl.