Lơ 10/6, Rmôt hăn kan bah N’gor uỷ, UBND n’gor Gia Lai hŏ tât khâl, bonh đă 2 cán bộ, tahen tâm Jrâu kan Cảnh sát mêt uănh phung tih dôih ma tuý-Công an n’gor Gia Lai rmanh tâm rnôk ƀư nau kan nhŭp phung tih dôih mât dŏng ma tuý tâm n’gor. Tât khâl Trung tá Trương Công Cường, Groi Kruanh rmôt ndrel Thiếu tá Nguyễn Văn Hưng, cán bộ Jrâu kan cảnh sát mêt uănh phung tih dôih ma tuý-Công an n’gor Gia Lai rmanh jêh rnôk ƀư nau kan.

Rđau kan n’gor uỷ, UBND n’gor Gia Lai rnê 2 cán bộ, tahen hŏ janh ƀư lơh phung tih dôih. Nau aơ kŏ ân saơ ăp nau khuch ma rmôt công an ăp nar rdâng rnôk ƀư nau kan mât đăp mpăn nau rêh ân ƀon lan. N’gor uỷ, UBND n’gor Gia Lai đă rđau kan Công an n’gor Gia Lai năn kơl an, ƀư ueh nau kơl ân ăp cán bộ gay ma năn bonh đă. Rnôk aơ n’hâm soan bah Trung tá Trương Công Cường ndrel Thiếu tá Nguyễn Văn Hưng hŏ geh nau nâp ndrel dôl geh uănh, săm ngăn tâm Ngih dak si Hoàng Anh Gia Lai./.