Di nkah nar Noel năm 2025, n’gor uỷ, HĐND, UBND, UB MTTQ Việt Nam n’gor Lâm Đồng hŏ tât khâl, rhơn Toà Giám mục Giáo phận Phan Thiết (nkuăl ƀon têh Phan Thiết, Bình Thuận ơm) ndrel Giám mục Đỗ Mạnh Hùng, Giám mục chính toà Giáo phận Phan Thiết, Tổng thư ký Hội đồng Giám mục Việt Nam. Ta aơ, Bí thư n’gor uỷ Lâm Đồng Y Thanh Hà Niê Kdăm njoăl nau rhơn tât Giám mục Đỗ Mạnh Hùng ndrel ăp nŭih nsum mpôl chroh Công giáo du yan Noel đăp mpăn, ueh lăng, geh âk mpưm nau kơl an bah Brah ndrel du năm mhe ueh lăng.

Bí thư n’gor uỷ ŭch tâm rơh tât, Giám mục Đỗ Mạnh Hùng ndrel ăp rđau kan kruanh bah mpôlchroh ndrel ăp nŭih tĭng chroh ƀư ueh nau dơi, bonh đă ăp nŭih rƀun rgum đăp mpăn, lŏ ƀư tĭng ăp nau ntrŭnh bah Đảng, pháp luật bah Ngih dak; ƀư ueh ntrong kan rƀŏng “Ryơk brah rŏng dak’, ‘rêh ueh, chroh ueh” ƀư ueh nuih n’hâm “nŭih Công giáo ueh lah nŭih công dân ueh”. Nkre lah ƀư mât ueh nau tâm boh, tâm nchră, tâm rnglăp ueh ma ăp gưl, ăp ntŭk kan bah n’gor Lâm Đồng./.