Bah lơ 4-6/3, Bảo tàng Bu ur Việt Nam tâm rgop đah Hội Liên hiệp Bu ur Việt Nam n’hanh Hội Liên hiệp bu ur n’gor Điện Biên ƀư Mpla nsơ rup “bu ur đah Điện Biên” n’hanh rgŏ jă tâm rlong trực tuyến “Mĭn joi gĭt 70 năm Lơh dơi Điện Biên Phủ”.

Mpla nsơ rup “Bu ur đah Điện Biên” geh 3 nkô̆ nău khlay: rgop ƀư jêng lơh dơi Điện Biên Phủ; yor du Điện Biên hun hao n’hanh Điện Biên-Ntŭk tât bah rgŏ năp. Aơ lah nău ƀư geh tâm trong nău ƀư “bu ur lam dak rƀŏng tât Điện Biên” di nkah gĭt 70 năm Lơh dơi Điện Biên Phủ, gay ƀư uĕh tay ăp n’hâm soan bah ăp rơh kơl bu ur Việt Nam ta lam Neh dak rgop soan, rgop n’hâm ƀư jêng lơh dơi Điện Biên Phủ lịch sử.

Tâm kêng măng 4/3, Hội Liên hiệp Bu ur n’gor Điện Biên lĕ rgŏ jă ntrong leo “Ntô̆ n’hao Điện Biên-Bu ur mpŏng ŭch hun hao” n’hanh ƀư rơh tâm rlong trực tuyến “Mĭn joi gĭt 70 năm Lơh dơi Điện Biên Phủ”. Rơh tâm rlong ntơm bah 4/3-30/4 đah têh hvi, mbra lah ntŭk nkah gĭt têh bah oh yuh, cán bộ mpôl bu ur mpeh nău ƀư lịch sử têh, nkual neh âk ntô̆ n’hao Điện Biên Phủ janh dăng.