Kêng măng 17/1, Groi Thủ tướng Trần Hồng Hà ndrel ntoh măt ăp ntŭk kan, n’gâng kan hŏ râng nau mbơh Rgum n’gor Dak Lak rơh năm 2021-2030, rƀŏng tât năm 2050. Tĭng nau rgum, tât năm 2050, n’gor Dak Lak jêng n’gor geh ntŭk kan sinh thái, nau ueh ơm, nau nthoi, nau blau mhe, lah ntŭk tât ŭch rŏng, ŭch rêh. Tât năm 2030, n’gor Dak Lak jêng ntŭk tât ueh, âk năch pâl n’aih tâm dak ndrel dak ba dih tât, nkuăl ƀon têh Buôn Ma Thuột lah ntŭk tât hun hao bah nkuăl Tây Nguyên.

Rnglăp ndrel tâm nthoi tĭng trong pơk đah nkuăl ndrel lam ntur neh. Ntoh nau tâm nar rđau rƀŭn, Groi Thủ tướng Trần Hồng Hà rnê lah, Dak Lak geh ntŭk ueh khlay, âk ntil nau geh dơi, geh nau ueh ơm âk ntil. Rgum n’gor Dak Lak lah du nhoat hăn tâm di ntrong bah Bộ chính trị tâm nau ntrŭnh mrô 23 mpeh nau rƀŏng hun hao văng sa, rêh jêng ndrel đăp mpăn neh dak, rnă njrăng nkuăl Tây Nguyên tât năm 2030, rƀŏng tât năm 2045./.