Ăp nar bah năp, ta nkual n’har bri Đức Cơ (Gia Lai), ƀư bôk nău kan “Tết sum vầy-Xuân chia sẻ”. Ta aơ, cán bộ tahen n’hanh phung pah kan mât njrăng n’har bri bah Binh đoàn 15 lĕ ndrel ƀon lan nkual n’har bri ƀư rgum tâm rlong klâm ƀănh, tâm nđŭr văn hóa n’hanh an ndơ an nuĭh pah kan, rnăk wâl dơi kơl, nuĭh nsing nơm. Tâm bôk nău kan, Thượng tướng Võ Minh Lương, Groi kruanh N’gâng kan mât njrăng bri dak lĕ ntoh măt an ăp ntŭk kan bah N’gâng kan mât njrăng bri dak an rlău 15.000 nklâm ndơ đah dĭng lĕ khlay rlău 10 rmen prăk an ăp rnăk cán bộ, tahen, nuĭh pah kan geh nău rêh jêr jŏt tâm Binh đoàn 15

n’hanh nuĭh nsing nơm, bu ranh ƀon, kruanh thôn, nuĭh dơi nsing nơm tâm ntŭk gŭ rêh rnoi mpôl đêt ta nkual n’har bri bah 2 n’gor Gia Lai, Kon Tum. Bah meng nĕ, bôk nău kan hôm geh ăp nău ƀư tâm rlong klâm “Ƀănh chưng”, tâm nđŭr văn hóa, njroh mprơ, mpla nsơ n’hanh tăch “mô sŏk prăk” pă an ăp ndơ dŏng an nuĭh ƀon lan ta ntŭk. “Tết sum vầy, xuân chia sẻ” lah bôk nău kan dơiu Ban Công đoàn Quốc phòng n’hanh Binh đoàn 15 ƀư ăp năm, gay rhăt jăp nău tâm rnglăp, “tâm yô̆ tâm kơl” n’hanh rgop ndrel n’gâng kan ăp ntŭk njok nkual n’har bri Bah lơ Tây Nguyên mât uănh, ntop kơl nuĭh ƀon lan Tết tŏng ăp, hơm răm.